"Лестер" ярим ҳимоячи Жеймс Мэддисон учун қанча пул олмоқчи эканлиги маълум бўлди.
The Telegraph хабарига кўра, "Лестер" 26 ёшли англиялик учун 60 миллион фунт олмоқчи. Ярим ҳимоячига асосий давогар "Ньюкасл" ҳисобланади.
"Лестер" ўтган мавсумда АПЛда 18-ўринни эгаллади ва чемпионшипга тушиб кетди. Мэддисон барча мусобақаларда 32 та ўйинда майдонга тушиб, 10 та гол урди ва 9 та голли узатмани амалга оширди.