Madridning “Real” klubi Dortmundning “Borussiya” klubiga yarim himoyachi Jud Bellingem transferi uchun 6 yil muddat davomida pul to‘lab boradi.
Dortmund klubi bayonotida aytilishicha, futbolchining yangi klubdagi faoliyatiga bog‘liq bo‘lgan belgilangan miqdordagi transfer va bonuslar to‘lovlari 6 yil davomida, ya’ni butun davr uchun taqsimlanadi.
7 iyun kuni "Borussiya" 19 yoshli yarim himoyachi uchun 103 million yevro olishini ma’lum qilgandi. Bonuslar ham taqdim etiladi - transfer summasining 30 foizigacha (maksimal 30,9 mln yevro).
14 iyun kuni "Real Madrid" Bellingem transferini tasdiqladi.