Мадриднинг “Реал” клуби Дортмунднинг “Боруссия” клубига ярим ҳимоячи Жуд Беллингем трансфери учун 6 йил муддат давомида пул тўлаб боради.
Дортмунд клуби баёнотида айтилишича, футболчининг янги клубдаги фаолиятига боғлиқ бўлган белгиланган миқдордаги трансфер ва бонуслар тўловлари 6 йил давомида, яъни бутун давр учун тақсимланади.
7 июнь куни "Боруссия" 19 ёшли ярим ҳимоячи учун 103 миллион евро олишини маълум қилганди. Бонуслар ҳам тақдим этилади - трансфер суммасининг 30 фоизигача (максимал 30,9 млн евро).
14 июнь куни "Реал Мадрид" Беллингем трансферини тасдиқлади.
