Xorvatiya terma jamoasi sardori Luka Modrich Millatlar ligasi yarim finalida Niderlandiya ustidan qozonilgan g‘alaba (4:2 q.v.) haqida fikr bildirdi.
“Biz o‘zimiz xohlagandek ajoyib o‘yin o‘tkazdik. Balki dastlabki 20 daqiqada yaxshi o‘yin ko‘rsatmagan bo‘lishimiz mumkin, lekin biz yaxshilandik. Goldan keyin jamoadoshlarim maksimal darajada o‘ynashdi va o‘zlarini juda yaxshi ko‘rsatishdi. So‘nggi daqiqada gol o‘tkazib yuborganimiz achinarli, ammo qo‘shimcha bo‘limlarda yana o‘z xarakterimizni ko‘rsatdik”, – deya Modrichning so‘zlarini keltiradi UYEFA matbuot xizmati.
