Хорватия терма жамоаси сардори Лука Модрич Миллатлар лигаси ярим финалида Нидерландия устидан қозонилган ғалаба (4:2 қ.в.) ҳақида фикр билдирди.
“Биз ўзимиз хоҳлагандек ажойиб ўйин ўтказдик. Балки дастлабки 20 дақиқада яхши ўйин кўрсатмаган бўлишимиз мумкин, лекин биз яхшиландик. Голдан кейин жамоадошларим максимал даражада ўйнашди ва ўзларини жуда яхши кўрсатишди. Сўнгги дақиқада гол ўтказиб юборганимиз ачинарли, аммо қўшимча бўлимларда яна ўз характеримизни кўрсатдик”, – дея Модричнинг сўзларини келтиради УЕФА матбуот хизмати.
