"Atletiko Paranaense" hujumchisi Vitor Rokening "Barselona"ga o‘tishi bo‘yicha kelishuv shartlari ma’lum bo‘ldi. Jurnalist Rojer Torelloning so‘zlariga ko‘ra, braziliyalik kataloniyaliklar uchun 35 million yevroga tushadi. Kelajakda yana 10 million "Atletiko Paranaense" bonuslar ko‘rinishida olishi mumkin.
Shaxsiy shartlarga kelsak, Roke "Barselona"da yiliga 3 million yevro maosh oladi. Katta ehtimol bilan kelishuv shu yozda amalga oshadi, ammo agar bo‘lmasa, futbolchi yanvargacha ijara asosida "Atletiko Paranaense"da qoladi.
Avvalroq, 18 yoshli Roke faoliyatini Yevropaning boshqa klublarida davom ettirish imkoniyatlariga qaramay, "Barselona"da o‘ynashni orzu qilayotgani xabar qilingandi.
