"Атлетико Паранаэнсе" ҳужумчиси Витор Рокенинг "Барселона"га ўтиши бўйича келишув шартлари маълум бўлди. Журналист Рожер Тореллонинг сўзларига кўра, бразилиялик каталонияликлар учун 35 миллион еврога тушади. Келажакда яна 10 миллион "Атлетико Паранаэнсе" бонуслар кўринишида олиши мумкин.
Шахсий шартларга келсак, Роке "Барселона"да йилига 3 миллион евро маош олади. Катта эҳтимол билан келишув шу ёзда амалга ошади, аммо агар бўлмаса, футболчи январгача ижара асосида "Атлетико Паранаэнсе"да қолади.
Аввалроқ, 18 ёшли Роке фаолиятини Европанинг бошқа клубларида давом эттириш имкониятларига қарамай, "Барселона"да ўйнашни орзу қилаётгани хабар қилинганди.













