Madridning “Real” klubi hujumchisi Rodrigo “Valensiya” stadioni haqida bahsli bayonot berdi.

Braziliyalik futbolchining so‘zlariga ko‘ra, La Liganing yaqinda o‘tkazilgan o‘yinida butun arena Vinisius Juniorga qarshi “maymun” so‘zini aytishgan.

"Valensiya" Rodrigoning so‘zlarini qoralab, ularni yolg‘on deb atadi. Klub uzr so‘rash va raddiya talab qilib, futbolchini sud bilan tahdid qilgan.

"Valensiya" o‘z afsusdaligini bildiradi va futbolchi Rodrigo Goesning butun stadionimiz va muxlislarimiz irqchilikka qarshi qo‘shiqlar aytishayotgani haqidagi yolg‘on bayonotlarini qat’iyan rad etadi.

Bunday gaplar jiddiy yolg‘on bo‘lib, "Valensiya" kabi namunali muxlislarning mutlaqo nohaq qoralanishiga yordam beradi. O‘yindan so‘ng o‘z so‘zlarini to‘g‘irlagan murabbiy Karlo Anchelotti kabi, biz Rodrigo Goesdan ham bu xatolarni tuzatishini so‘raymiz. "Valensiya" klubimiz va muxlislar sharafini himoya qilish uchun tegishli qonuniy choralar ko‘rish huquqini o‘zida saqlab qoladi.

Futbolchilardan so‘zlashda qat’iy va mas’uliyatli bo‘lishni ham talab qilish kerak.

Shuningdek, biz irqchilik yoki zo‘ravonlikning har qanday ko‘rinishini keskin qoralaganimizni yana bir bor tasdiqlamoqchimiz va buni ushbu baxtsiz hodisaga aloqador uch muxlisni umrbod chetlatish orqali ko‘rsatamiz.

Ushbu ijtimoiy illatni yo‘q qilish uchun kurashimiz va qat’iyatimizga shubha yo‘q. Biz yana bir bor muxlislarimizni hurmat qilishga chaqiramiz va ularga yolg‘on ma’lumotlar va yolg‘on xabarlar bilan hujum qilinmasligini talab qilamiz", — deyiladi "Valensiya" bayonotida.