Мадриднинг “Реал” клуби ҳужумчиси Родриго “Валенсия” стадиони ҳақида баҳсли баёнот берди.

Бразилиялик футболчининг сўзларига кўра, Ла Лиганинг яқинда ўтказилган ўйинида бутун арена Винисиус Жуниорга қарши “маймун” сўзини айтишган.

"Валенсия" Родригонинг сўзларини қоралаб, уларни ёлғон деб атади. Клуб узр сўраш ва раддия талаб қилиб, футболчини суд билан таҳдид қилган.

"Валенсия" ўз афсусдалигини билдиради ва футболчи Родриго Гоэснинг бутун стадионимиз ва мухлисларимиз ирқчиликка қарши қўшиқлар айтишаётгани ҳақидаги ёлғон баёнотларини қатъиян рад этади.

Бундай гаплар жиддий ёлғон бўлиб, "Валенсия" каби намунали мухлисларнинг мутлақо ноҳақ қораланишига ёрдам беради. Ўйиндан сўнг ўз сўзларини тўғирлаган мураббий Карло Анчелотти каби, биз Родриго Гоэсдан ҳам бу хатоларни тузатишини сўраймиз. "Валенсия" клубимиз ва мухлислар шарафини ҳимоя қилиш учун тегишли қонуний чоралар кўриш ҳуқуқини ўзида сақлаб қолади.

Футболчилардан сўзлашда қатъий ва масъулиятли бўлишни ҳам талаб қилиш керак.

Шунингдек, биз ирқчилик ёки зўравонликнинг ҳар қандай кўринишини кескин қоралаганимизни яна бир бор тасдиқламоқчимиз ва буни ушбу бахтсиз ҳодисага алоқадор уч мухлисни умрбод четлатиш орқали кўрсатамиз.

Ушбу ижтимоий иллатни йўқ қилиш учун курашимиз ва қатъиятимизга шубҳа йўқ. Биз яна бир бор мухлисларимизни ҳурмат қилишга чақирамиз ва уларга ёлғон маълумотлар ва ёлғон хабарлар билан ҳужум қилинмаслигини талаб қиламиз", — дейилади "Валенсия" баёнотида.