Yozgi transfer oynasida "Yuventus" ikki yulduz futbolchisini sotishga tayyor. Gap vinger Federiko Kyeza va hujumchi Dushan Vlaxovich haqida ketmoqda. Turin klubi italiyalik va serbiyalik uchun takliflarni kutmoqda, bu haqda jurnalist Matteo Moretto ijtimoiy tarmoqlarda xabar berdi.
Transfermarkt portali mutaxassislari 25 yoshli Kyezani 40 million yevroga baholamoqda. 2022/2023 yilgi mavsumda vinger “keksa sinyora” safida 33 ta o‘yin o‘tkazib, 4 ta gol urdi va 6 ta golli uzatmani amalga oshirdi.
23 yoshli Vlaxovich 70 million yevroga baholangan. O‘tgan mavsumda hujumchi 42 ta o‘yinda 14 ta gol urdi va 4 ta golli uzatmani amalga oshirdi.