Ёзги трансфер ойнасида "Ювентус" икки юлдуз футболчисини сотишга тайёр. Гап вингер Федерико Кьеза ва ҳужумчи Душан Влахович ҳақида кетмоқда. Турин клуби италиялик ва сербиялик учун таклифларни кутмоқда, бу ҳақда журналист Маттео Моретто ижтимоий тармоқларда хабар берди.

Transfermarkt портали мутахассислари 25 ёшли Кьезани 40 миллион еврога баҳоламоқда. 2022/2023 йилги мавсумда вингер “кекса синьора” сафида 33 та ўйин ўтказиб, 4 та гол урди ва 6 та голли узатмани амалга оширди.

23 ёшли Влахович 70 миллион еврога баҳоланган. Ўтган мавсумда ҳужумчи 42 та ўйинда 14 та гол урди ва 4 та голли узатмани амалга оширди.