Madridning “Real” klubini yangi yarim himoyachisi Jud Bellingem faoliyatini Angliya Premyer-ligasida davom ettirish imkoniyatlari borligini tan oldi. Yarim himoyachi nima uchun "qirollik klubi"ni tanlashga qaror qilganini tushuntirdi.

"Angliya terma jamoasidagi jamoadoshlarim meni Premyer-ligaga chaqirishdi, lekin men o‘zimning qulay xududimdan chiqib ketishni xohladim. Angliyaga qaytish eng oson qaror bo‘lardi, ammo men "Real"ga o‘tish imkoniyatidan foydalanishim kerak edi. Bu men uchun to‘g‘ri tanlov. Men aynan shu yerda bo‘lishni xohladim" - dedi Bellingem taqdimot marosimida.

"Qirollik klubi" Bellingem uchun Dortmundning "Borussiya" klubiga 100 million yevrodan ortiq tovon puli ajratdi.