Мадриднинг “Реал” клубини янги ярим ҳимоячиси Жуд Беллингем фаолиятини Англия Премьер-лигасида давом эттириш имкониятлари борлигини тан олди. Ярим ҳимоячи нима учун "қироллик клуби"ни танлашга қарор қилганини тушунтирди.
"Англия терма жамоасидаги жамоадошларим мени Премьер-лигага чақиришди, лекин мен ўзимнинг қулай худудимдан чиқиб кетишни хоҳладим. Англияга қайтиш энг осон қарор бўларди, аммо мен "Реал"га ўтиш имкониятидан фойдаланишим керак эди. Бу мен учун тўғри танлов. Мен айнан шу ерда бўлишни хоҳладим" - деди Беллингем тақдимот маросимида.
"Қироллик клуби" Беллингем учун Дортмунднинг "Боруссия" клубига 100 миллион евродан ортиқ товон пули ажратди.
