Mundo Deportivo xabariga ko‘ra, "Tottenxem" yarim himoyachisi Jovani Lo Chelso faoliyatini "Barselona"da davom ettirishi mumkin.
Nashrning yozishicha, kataloniyaliklar agar “Manchester Siti”dan Ilkay Gyundoganning transferi amalga oshmasa, 27 yoshli argentinalik futbolchi variantini ko‘rib chiqmoqda.
O‘tgan bir yarim mavsumda Lo Chelso "Vilyarreal"da ijara asosida o‘ynadi. Uning "shporlar" bilan amaldagi shartnomasi 2025 yilgacha mo‘ljallangan.
2022/23 yilgi mavsumda yarim himoyachi barcha turnirlarda 29 ta o‘yinda maydonga tushib, 2 ta gol urdi va 3 ta golli uzatmani amalga oshirdi.