"Inter" darvozaboni Andre Onana yaqin kelajakda "Chelsi"da bo‘lishi dargumon.
Londonliklar 27 yoshli darvozabon uchun asosiy da’vogar sanalgan, biroq "neradzurrilar" bilan shartnoma shartlari bo‘yicha kelisha olishmagan. Jurnalist Janluka di Marsioga ma’lum bo‘lishicha, "Chelsi" Onana uchun kurashni tark etgan. Transfermarkt portali tomonidan 35 million yevroga baholangan kamerunlik futbolchiga Angliya Premyer-ligasining boshqa klubi – “Manchester Yunayted” qiziqish bildirmoqda.
"Chelsi"ning transfer maqsadlari ro‘yxatida "Milan" darvozaboni Mayk Menyan ham bor, ammo "rossonerilar" rahbariyati fransiyalik futbolchi bo‘yicha takliflarni ko‘rib chiqishni ham niyat qilmayapti.