Transfermarkt portali ayni paytda Toshkent va Bishkekda bo‘lib o‘tayotgan Markaziy Osiyo futbol assosiasiyasi musobaqasi — CAFA Nations Cup-2023'ning eng qimmat futbolchilari reytingini tuzib chiqdi.

Turnirda 6 ta gol bilan eng yaxshi to‘purar bo‘lib turgan Mehdi Taremiy musobaqaning eng qimmat o‘yinchisi deb topildi. «Portu» klubi forvardining narxi 20 million yevroga teng. «Bayer» hujumchisi Sardor Azmun esa 12 million yevro bilan 2-pog‘onani band etdi.

O‘zbekiston terma jamoasi sardor Eldor Shomurodov kuchli uchlikka kirdi. "Roma" futbolchisining ayni paytdagi narxi 6 million yevroga teng.

Umuman olganda, terma jamoamizning yana ikki a’zosi top-10ga kirgan: Otabek Shukurov (2,5 mln yevro, 6-o‘rin) va Jaloliddin Masharipov (2 mln yevro, 7-o‘rin).

CAFA Nations Cup-2023 musobaqasining eng qimmat futbolchilari (top-10):

1. Mehdi Taremiy (Eron) - 20 mln;
2. Sardor Azmun (Eron) - 12 mln;
3. Eldor Shomurodov (O‘zbekiston) - 6 mln;
4. Majid Hussayniy (Eron) - 3 mln;
5. Alireza Jahonbaxsh (Eron) - 3 mln;
6. Otabek Shukurov (O‘zbekiston) - 2,5 mln;
7. Jaloliddin Masharipov (O‘zbekiston) - 2 mln;
8. Sodiq Muharraiy (Eron) - 2 mln;
9. Hussayn Kanoniy (Eron) - 2 mln;
10. Mehdi Qoidiy (Eron) - 1,40 mln.