Ispaniyalik hujumchi Alvaro Morata "Atletiko Madrid"ni tark etib, Italiya chempionatiga o‘tishga yaqin turibdi. Calciomercato jurnalistlarining fikricha, "Roma" markaziy hujumchining yangi jamoasiga aylanadi.
Morata jamoa bosh murabbiyi Joze Mourinyo bilan suhbatlashgan, shundan so‘ng u transferga rozi bo‘lgan. Potensial bitim summasi o‘n million yevroga baholanmoqda.
Morata A Seriyada tajribaga ega. Alvaro bir necha mavsumni Turinning “Yuventus” klubida o‘tkazgan.
La Liganing so‘nggi mavsumida hujumchi 36 ta o‘yin o‘tkazib, 13 ta gol va 2 ta golli uzatmaga mualliflik qilgan.
Eslatib o‘tamiz, hamyurtimiz Eldor Shomurodov "Spesiya"dagi yarim mavsumlik ijarasidan so‘ng yana "Roma"ga qaytadi. Uning "bo‘rilar" bilan shartnomasi 2027 yilgacha mo‘ljallangan.