Испаниялик ҳужумчи Альваро Мората "Атлетико Мадрид"ни тарк этиб, Италия чемпионатига ўтишга яқин турибди. Calciomercato журналистларининг фикрича, "Рома" марказий ҳужумчининг янги жамоасига айланади.
Мората жамоа бош мураббийи Жозе Моуриньо билан суҳбатлашган, шундан сўнг у трансферга рози бўлган. Потенциал битим суммаси ўн миллион еврога баҳоланмоқда.
Мората А Серияда тажрибага эга. Альваро бир неча мавсумни Туриннинг “Ювентус” клубида ўтказган.
Ла Лиганинг сўнгги мавсумида ҳужумчи 36 та ўйин ўтказиб, 13 та гол ва 2 та голли узатмага муаллифлик қилган.
Эслатиб ўтамиз, ҳамюртимиз Элдор Шомуродов "Специя"даги ярим мавсумлик ижарасидан сўнг яна "Рома"га қайтади. Унинг "бўрилар" билан шартномаси 2027 йилгача мўлжалланган.