Futbolchining o‘zi bu haqda gapiradi.
Yillar davomida Uesli Sneyder deyarli har bir transfer oynasida “Manchester Yunayted”ga o‘tishi haqida mish-mishlar chiqib turdi, ammo yakunda “Old Trafford”ga o‘tish hech qachon amalga oshmadi.
2021 yilda Ser Aleks Fergyuson, mish-mishlardan farqli o‘laroq, "Yunayted" Sneyderga "hech qachon qiziqmagan"ligini va yangiliklar "qayerdan kelganini bilmasligini" aytdi. Biroq futbolchining o‘zi 12 yil avval “Yunayted” bilan shartnoma imzolashga juda yaqin bo‘lganini ta’kidlamoqda.
O‘sha davrda yarim himoyachi karyerasining eng cho‘qqisida edi - 2010 yilda u "Inter" bilan tarixiy treblga erishdi va Niderlandiya terma jamoasiga Jahon chempionati finaliga chiqishga yordam berdi. Agarda unga agenti to‘sqinlik qilmaganida, u "qizil iblislar"ning bir qismiga aylanishi mumkin edi.
"Aslida, men 2011 yilda "Manchester Yunayted"ga o‘tishga juda yaqin bo‘lganman, - dedi Sneyder SportBible nashriga, "Chempionlar ligasidagi g‘alaba va jahon chempionatidan keyin. Ammo keyinroq eshitishimcha, qaysidir vaqtda muzokaralar to‘xtab qolgan. Men agentimdan “Yunayted”ning qiziqishi nima bo‘lyapti?” deb so‘radim.
Agentim: “Hech narsa yo‘q, hammasi tugadi”, dedi. Lekin 2 yildan keyin bildimki, u o‘zi uchun ko‘proq pul so‘ragan. Shu bois transfer amalga oshmagan. Ser Aleks Fergyuson bu haqda qarindoshlarimdan biriga aytgandi”.
Qiziq, agar uning agenti “Yunayted”dan ko‘proq pul talab qilmaganida, Ueslining faoliyati qanday kechgan bo‘lardi.
