"Kristal Pelas" yarim himoyachisi Eberechi Ezega "Manchester Yunayted" qiziqish bildirmoqda.

Meyson Maunt "qizil iblislar" uchun ustuvor vazifa bo‘lib qolmoqda, biroq klub haligacha "Chelsi" bilan transfer shartlari bo‘yicha kelishuvga erisha olmayapti. "Yunayted" yaqin kelajakda angliyalik yarim himoyachi uchun yaxshilangan taklif bilan chiqishi kutilmoqda, ammo "ko‘klar" tovon puli uchun 80 million yevrodan ko‘proq pul talab qilmoqda, bu esa potensial xaridorlarni qo‘rqitmoqda.

Jurnalist Stiv Beytsning yozishicha, “Manchester Yunayted” o‘z e’tiborini boshqa hujumkor yarim himoyachi “Kristal Pelas” futbolchisi Eberechi Ezega qaratishga tayyor.