“Al-Ittihod” hujumchisi Karim Benzema avvalroq Londonning “Chelsi” jamoasida to‘p tepgan hamyurti N'Golo Kantening o‘z klubiga o‘tganiga munosabat bildirdi.
"N'Golo, xush kelibsan. Yuqorida aytib o‘tganimdek, sen dunyodagi eng yaxshi futbolchilardan birisan.
Men sen bilan Saudiya Arabistonining eng yaxshi jamoasida o‘ynashdan xursand bo‘laman. Jiddada ko‘rishguncha", - deya Benzemaning so‘zlarini keltiradi klub matbuot xizmati.
Eslatib o‘tamiz, Kante "Chelsi"da 2016 yildan buyon o‘ynab kelmoqda. London jamoasi bilan birgalikda yarim himoyachi ko‘plab turnirlarda, jumladan Chempionlar ligasi, Angliya kubogi, Yevropa ligasi va boshqalarda g‘olib chiqdi.
Fransiyalik futbolchi o‘tgan mavsumda APLda bor yo‘g‘i yettita o‘yinda maydonga tushdi va golli uzatmani amalga oshirdi.
