“Roma” bosh murabbiyi Joze Mourinyo Yevropa ligasi finalida “Sevilya”ga qarshi o‘yinda (1:1, penaltilar 1:4) hakamni haqorat qilgani uchun Yevropa musobaqalaridan 4 o‘yinga diskvalifikasiya qilindi.
60 yoshli mutaxassis Yevropa ligasining hal qiluvchi o‘yinida Entoni Teylorning ishidan norozi bo‘ldi. U o‘yin tugagandan so‘ng avtoturargohda hakamni haqorat qilgan.
Shu tariqa, Mourinyo 2023/24 yilgi mavsumda Yevropa ligasi guruh bosqichining aksariyat o‘yinlarini o‘tkazib yuboradi.
Bundan tashqari, UEFA "Roma"ni jamoa va uning muxlislarining nomaqbul xatti-harakati uchun 55 ming yevro jarimaga tortdi.
