“Рома” бош мураббийи Жозе Моуриньо Европа лигаси финалида “Севилья”га қарши ўйинда (1:1, пенальтилар 1:4) ҳакамни ҳақорат қилгани учун Европа мусобақаларидан 4 ўйинга дисквалификация қилинди.
60 ёшли мутахассис Европа лигасининг ҳал қилувчи ўйинида Энтони Тейлорнинг ишидан норози бўлди. У ўйин тугагандан сўнг автотураргоҳда ҳакамни ҳақорат қилган.
Шу тариқа, Моуриньо 2023/24 йилги мавсумда Европа лигаси гуруҳ босқичининг аксарият ўйинларини ўтказиб юборади.
Бундан ташқари, УЕФА "Рома"ни жамоа ва унинг мухлисларининг номақбул хатти-ҳаракати учун 55 минг евро жаримага тортди.
