"Napoli" himoyachisi Kim Min Chje "Bavariya"ga o‘tishga yaqin turibdi, deya xabar beradi jurnalist Florian Plettenberg.
Manbaga ko‘ra, transfer summasi 50 million yevroni tashkil qiladi. Janubiy koreyalik himoyachi yangi jamoasida yiliga 10 milliondan 12 million yevrogacha maosh oladi.
Kim Min Chje o‘tgan mavsumda barcha musobaqalarda 45 ta o‘yinda maydonga tushib, 2 ta gol va 2 ta golli uzatmaga mualliflik qilgan. Transfermarkt uning narxini 60 million yevroga baholamoqda.