"Наполи" ҳимоячиси Ким Мин Чжэ "Бавария"га ўтишга яқин турибди, дея хабар беради журналист Флориан Плеттенберг.
Манбага кўра, трансфер суммаси 50 миллион еврони ташкил қилади. Жанубий кореялик ҳимоячи янги жамоасида йилига 10 миллиондан 12 миллион еврогача маош олади.
Ким Мин Чжэ ўтган мавсумда барча мусобақаларда 45 та ўйинда майдонга тушиб, 2 та гол ва 2 та голли узатмага муаллифлик қилган. Transfermarkt унинг нархини 60 миллион еврога баҳоламоқда.