Jahongir Ortiqxo‘jayev kecha, 24 iyun kuni "Paxtakor" jamoasining Qibraydagi o‘quv yig‘in mashg‘ulotlari bazasida bo‘ldi. So‘nggi oylarda kompleksda amalga oshirilgan ishlar bilan yaqindan tanishgan Toshkent shahar sobiq hokimi futbolchilar bilan ham suhbatlashdi. Bu haqda "sherlar" matbut xizmati xabar berdi.
"Avvalo, Sizlarga so‘nggi ikki yilda qo‘lga kiritilgan chempionlik uchun rahmat aytaman. Men bundan quvondim. Bu an’anani buzmasligimiz kerak. Eng muhimi, siz e’tibordagi odam ekaningizni unutmasangiz va biz bilan bir jamoa bo‘lishda davom etsangiz kifoya, qolgan yaxshi sharoitlarni yaratib berishda davom etamiz", - deydi jamoa raisi.
Qo‘shimcha sifatida, O‘zbekistonda bo‘lib o‘tgan Osiyo chempionatiga ham alohida to‘xtalib o‘tdi.
- Jamoamiz a’zolari terma jamoa safida Osiyo chempioni bo‘ldilar. Siz hali yoshsiz, umringizni behuda o‘tkazmang. Katta akalaringiz kabi nom qozoning, o‘z qadringizni biling, mehnat qilib Yevropaga keting, men xursand bo‘lay. Abbos, ayniqsa, sendan umidimiz katta. Men ishonaman, sen hali "Paxtakor" bilan yuqori marralarni zabt etasan va Yevropaning top klublarida o‘ynaysan".
