"Manchester Yunayted" "Vest Xem" yarim himoyachisi Deklan Raysni qo‘lga kiritish uchun kurashda g‘alaba qozonishga umid qilmoqda.
The Telegraph xabariga ko‘ra, "qizil iblislar" o‘zlarining ikki futbolchisi - himoyachi Xarri Maguayr va yarim himoyachi Skott Maktomineyni ushbu shartnomaga qo‘shishga, shuningdek, ma’lum miqdorda pul to‘lashga tayyor. Biroq, Rays uchun kurashda hamon “Manchester Siti” va “Arsenal” peshqadamlik qilmoqda.
Deklan Rays 24 yoshda, nufuzli Transfermarkt portali mutaxassislari futbolchini 90 million yevroga baholamoqda. 2022/2023 yilgi mavsumda Rays “Vest Xem” safida 50 ta o‘yin o‘tkazib, 5 ta gol urdi va 4 ta golli uzatmani amalga oshirdi.
