"Манчестер Юнайтед" "Вест Хэм" ярим ҳимоячиси Деклан Райсни қўлга киритиш учун курашда ғалаба қозонишга умид қилмоқда.
The Telegraph хабарига кўра, "қизил иблислар" ўзларининг икки футболчиси - ҳимоячи Харри Магуайр ва ярим ҳимоячи Скотт Мактоминейни ушбу шартномага қўшишга, шунингдек, маълум миқдорда пул тўлашга тайёр. Бироқ, Райс учун курашда ҳамон “Манчестер Сити” ва “Арсенал” пешқадамлик қилмоқда.
Деклан Райс 24 ёшда, нуфузли Transfermarkt портали мутахассислари футболчини 90 миллион еврога баҳоламоқда. 2022/2023 йилги мавсумда Райс “Вест Хэм” сафида 50 та ўйин ўтказиб, 5 та гол урди ва 4 та голли узатмани амалга оширди.
