"Arsenal" shu hafta Kay Xavers bilan shartnoma imzolaganini e’lon qilishi mumkin.
Jurnalist Florian Plettenbergning yozishicha, Xaversning transferi bo‘yicha kelishuv allaqachon yopilgan. Germaniyalik yarim himoyachi "Arsenal" bilan 2028 yilgacha mo‘ljallangan shartnoma imzolaydi. Transfer summasi bonuslar bilan birga 75 million yevroni tashkil qiladi. Qayd etilishicha, futbolchining transferiga “kanonirlar” bosh murabbiyi Mikel Artetaning qiziqishi katta rol o‘ynagan.
"Chelsi" va "Arsenal" o‘rtasida transfer kelishuviga erishildi. Xavers shu haftada jismoniy tayyorgarlikdan o‘tishi kutilmoqda.
Kay o‘tgan mavsumda "Chelsi" safida Premyer-ligada 35 ta o‘yinda maydonga tushib, 7 ta gol urgan.
