"Арсенал" шу ҳафта Кай Хаверц билан шартнома имзолаганини эълон қилиши мумкин.
Журналист Флориан Плеттенбергнинг ёзишича, Хаверцнинг трансфери бўйича келишув аллақачон ёпилган. Германиялик ярим ҳимоячи "Арсенал" билан 2028 йилгача мўлжалланган шартнома имзолайди. Трансфер суммаси бонуслар билан бирга 75 миллион еврони ташкил қилади. Қайд этилишича, футболчининг трансферига “канонирлар” бош мураббийи Микель Артетанинг қизиқиши катта роль ўйнаган.
"Челси" ва "Арсенал" ўртасида трансфер келишувига эришилди. Хаверц шу ҳафтада жисмоний тайёргарликдан ўтиши кутилмоқда.
Кай ўтган мавсумда "Челси" сафида Премьер-лигада 35 та ўйинда майдонга тушиб, 7 та гол урган.