"Fiorentina" hujumchisi Luka Yovich "Galatasaroy"ga o‘tishga rozi bo‘ldi.
Manbaga ko‘ra, Istanbul klubi serbiyalik futbolchiga soliqlar to‘langanidan keyin yiliga 3 million yevro maosh bilan 3 yillik shartnoma taklif qilgan.
"Galatasaroy" "Fiorentina"ga taxminan 8 million yevro to‘laydi. Bu mablag‘ning yarmi "Real Madrid"ga tegishli. Yovich "binafsharanglar"ga o‘tgan paytda klublar o‘rtasidagi kelishuvda shunday band bo‘lgan.
Joriy mavsumda 25 yoshli futbolchi 50 ta o‘yinda maydonga tushib, 13 ta gol va 5 ta golli uzatmani amalga oshirdi.