"Фиорентина" ҳужумчиси Лука Йович "Галатасарой"га ўтишга рози бўлди.
Манбага кўра, Истанбул клуби сербиялик футболчига солиқлар тўланганидан кейин йилига 3 миллион евро маош билан 3 йиллик шартнома таклиф қилган.
"Галатасарой" "Фиорентина"га тахминан 8 миллион евро тўлайди. Бу маблағнинг ярми "Реал Мадрид"га тегишли. Йович "бинафшаранглар"га ўтган пайтда клублар ўртасидаги келишувда шундай банд бўлган.
Жорий мавсумда 25 ёшли футболчи 50 та ўйинда майдонга тушиб, 13 та гол ва 5 та голли узатмани амалга оширди.