"Chelsi" yarim himoyachisi Mateo Kovachich tez orada "Manchester Siti"ga o‘tadi, deya xabar beradi jurnalist Fabrisio Romano.
Manbaga ko‘ra, xorvatiyalikning "shaharliklar" bilan shartnomasi 2027 yilgacha mo‘ljallangan. O‘tgan haftada futbolchi tibbiy ko‘rikdan muvaffaqiyatli o‘tdi.
"Manchester Siti" "Chelsi"ga 29 million yevro va bonus sifatida 6 million yevro to‘laydi.
2022/23 yilgi mavsumda 29 yoshli xorvatiyalik futbolchi “Chelsi” safida barcha turnirlar doirasida 37 ta o‘yinda maydonga tushib, 2 ta gol urdi va 2 ta golli uzatmani amalga oshirdi. Transfermarkt portali futbolchining narxini 40 million yevroga baholamoqda.
