"Челси" ярим ҳимоячиси Матео Ковачич тез орада "Манчестер Сити"га ўтади, дея хабар беради журналист Фабрицио Романо.
Манбага кўра, хорватияликнинг "шаҳарликлар" билан шартномаси 2027 йилгача мўлжалланган. Ўтган ҳафтада футболчи тиббий кўрикдан муваффақиятли ўтди.
"Манчестер Сити" "Челси"га 29 миллион евро ва бонус сифатида 6 миллион евро тўлайди.
2022/23 йилги мавсумда 29 ёшли хорватиялик футболчи “Челси” сафида барча турнирлар доирасида 37 та ўйинда майдонга тушиб, 2 та гол урди ва 2 та голли узатмани амалга оширди. Transfermarkt портали футболчининг нархини 40 миллион еврога баҳоламоқда.