Qanot hujumchisi Ivan Perishich yozgi transfer oynasida “Tottenxem”ni tark etishi mumkin. Sports Digitale xabariga ko‘ra, 34 yoshli xorvatning xizmatlari "Fenerbaxche"ga taklif qilingan. Qayd etilishicha, Perishich tekinga jamoadan keta oladi. Ko‘rinishidan, londonliklar jamoasining yangi bosh murabbiyi Ange Postekoglu tajribali o‘yinchini rejalariga kiritmagan.
2022/2023 yilgi mavsumda Ivan Perishich "Tottenxem" tarkibida 44 ta rasmiy o‘yinda maydonga tushdi. Ularda xorvat bitta gol urib, sheriklariga 12 ta golli uzatma berdi.
Qo‘shimcha qilamizki, Transfermarkt portali mutaxassislari Perishichni 7 million yevroga baholamoqda.