Қанот ҳужумчиси Иван Перишич ёзги трансфер ойнасида “Тоттенхэм”ни тарк этиши мумкин. Sports Digitale хабарига кўра, 34 ёшли хорватнинг хизматлари "Фенербахче"га таклиф қилинган. Қайд этилишича, Перишич текинга жамоадан кета олади. Кўринишидан, лондонликлар жамоасининг янги бош мураббийи Анге Постекоглу тажрибали ўйинчини режаларига киритмаган.
2022/2023 йилги мавсумда Иван Перишич "Тоттенхэм" таркибида 44 та расмий ўйинда майдонга тушди. Уларда хорват битта гол уриб, шерикларига 12 та голли узатма берди.
Қўшимча қиламизки, Transfermarkt портали мутахассислари Перишични 7 миллион еврога баҳоламоқда.