Londonning "Vest Xem" klubi "Manchester Siti"ning yarim himoyachi Deklan Raysning transferi bo‘yicha birinchi rasmiy taklifiga javob qaytardi. The Telegraph jurnalisti Jeyson Burtning yozishicha, "bolg‘achilar" angliyalikni bonuslar bilan birga 105 million yevroga sotishdan bosh tortgan.
Eslatib o‘tamiz, avvalroq "Vest Xem" bilan yangi shartnoma borasida murosaga kela olmagan Raysga Londonning "Arsenal" klubi eng faol qiziqish bildirgandi. Deklan uchun poyga hali ham ochiq, biroq futbolchi avvalroq "kanonirlar" safiga qo‘shilish istagini bildirgan.
Mish-mishlarga ko‘ra, "Vest Xem" Rays uchun taxminan 130 million yevro talab qiladi.