Лондоннинг "Вест Хэм" клуби "Манчестер Сити"нинг ярим ҳимоячи Деклан Райснинг трансфери бўйича биринчи расмий таклифига жавоб қайтарди. The Telegraph журналисти Жейсон Буртнинг ёзишича, "болғачилар" англияликни бонуслар билан бирга 105 миллион еврога сотишдан бош тортган.
Эслатиб ўтамиз, аввалроқ "Вест Хэм" билан янги шартнома борасида муросага кела олмаган Райсга Лондоннинг "Арсенал" клуби энг фаол қизиқиш билдирганди. Деклан учун пойга ҳали ҳам очиқ, бироқ футболчи аввалроқ "канонирлар" сафига қўшилиш истагини билдирган.
Миш-мишларга кўра, "Вест Хэм" Райс учун тахминан 130 миллион евро талаб қилади.