Angliyaning “Aston Villa” klubi “Vilyarreal” markaziy himoyachisi Pau Torres uchun kurashda peshqadamlik qilmoqda.
Relevo xabariga ko‘ra, birmingemliklar bosh murabbiyi Unai Emeri o‘zining sobiq himoyachisini "Villa Park"ga qo‘shilishga ko‘ndirgan.
Manbaning aytishicha, Torresda "Aston Villa" loyihasi katta taassurot qoldirgan. Biroq Unai Emeri jamoasi futbolchi uchun tovon puli miqdorini “Vilyarreal” bilan kelishib olgani yo‘q. E’tiborlisi, Pauning "sariq suv osti kemasi" bilan shartnomasi bo‘yicha bor-yo‘g‘i bir yil qoldi, bu esa "Aston Villa"ga chegirmaga umid qilish imkonini beradi.
Manbaning qayd etishicha, "Bavariya" ham Torres atrofidagi vaziyatni kuzatishda davom etmoqda.