Англиянинг “Астон Вилла” клуби “Вильярреал” марказий ҳимоячиси Пау Торрес учун курашда пешқадамлик қилмоқда.
Relevo хабарига кўра, бирмингемликлар бош мураббийи Унаи Эмери ўзининг собиқ ҳимоячисини "Вилла Парк"га қўшилишга кўндирган.
Манбанинг айтишича, Торресда "Астон Вилла" лойиҳаси катта таассурот қолдирган. Бироқ Унаи Эмери жамоаси футболчи учун товон пули миқдорини “Вильярреал” билан келишиб олгани йўқ. Эътиборлиси, Паунинг "сариқ сув ости кемаси" билан шартномаси бўйича бор-йўғи бир йил қолди, бу эса "Астон Вилла"га чегирмага умид қилиш имконини беради.
Манбанинг қайд этишича, "Бавария" ҳам Торрес атрофидаги вазиятни кузатишда давом этмоқда.
