Kolumbiyalik qo‘shiqchi Shakira "Barselona"ning sobiq himoyachisi Jerar Pikening xiyonati unga qanday ta’sir qilgani haqida gapirdi.
Shakiraning aytishicha, u futbolchining ishlari haqida ommaviy axborot vositalaridan bilib olgan. Bu vaqtda uning otasi reanimasiyada edi.
"Men bu vaziyatdan omon chiqib keta olmayman deb o‘ylagandim. Hamma ishlar bir paytga to‘g‘ri kelib qoldi. Hayotimdagi eng yaxshi ko‘rgan insonim, otam meni tark etdi.
Uning tiklanishi juda qiyin va sekin kechdi, lekin u barchamiz uchun ajoyib inson, u o‘zining kuchi bilan hayratda qoldirardi", - deya Shakiraning so‘zlaridan iqtibos keltirdi People en Espanol nashri.
Shakira 2022 yilning iyun oyi boshida Pikedan ajralishini e’lon qilgandi. Qayd etilishicha, ajralishga ispaniyalik futbolchining xiyonati sabab bo‘lgan. Er-xotin 2011 yildan beri ishqiy munosabatlarda bo‘lib kelgan. Ular rasman turmush qurishmagan.