“Yuventus” “Lill” bilan hujumchi Timoti Vea borasida kelishuvga erishdi, deb xabar beradi Goal.com.
Manbaga ko‘ra, 23 yoshli amerikalik futbolchining transferi turinliklarga 12 million yevroga tushadi. Qayd etilishicha, Vea "Yuventus" bilan shaxsiy shartnoma shartlarini kelishib olgan. Hujumchini tibbiy ko‘rikdan o‘tkazish hafta oxiriga rejalashtirilgan.
2022/23 yilgi mavsumda Vea "Lill" safida barcha musobaqalarda 32 ta o‘yinda maydonga tushdi va 2 ta golli uzatmani amalga oshirdi. Klub bilan shartnoma 2024 yilning iyunigacha amal qiladi. Transfermarkt portali futbolchining narxini 12 million yevroga baholamoqda.