“Ювентус” “Лилль” билан ҳужумчи Тимоти Веа борасида келишувга эришди, деб хабар беради Goal.com.
Манбага кўра, 23 ёшли америкалик футболчининг трансфери туринликларга 12 миллион еврога тушади. Қайд этилишича, Веа "Ювентус" билан шахсий шартнома шартларини келишиб олган. Ҳужумчини тиббий кўрикдан ўтказиш ҳафта охирига режалаштирилган.
2022/23 йилги мавсумда Веа "Лилль" сафида барча мусобақаларда 32 та ўйинда майдонга тушди ва 2 та голли узатмани амалга оширди. Клуб билан шартнома 2024 йилнинг июнигача амал қилади. Transfermarkt портали футболчининг нархини 12 миллион еврога баҳоламоқда.