Og‘ir atletika bo‘yicha 35 yoshli atlet Vladimir Sedov vafot etdi. Qarindoshlariga ko‘ra, u o‘z joniga qasd qilgan bo‘lishi mumkin. Sportchining o‘limi yuzasidan Qozog‘iston respublikasi jinoyat kodekining 105-moddasiga binoan tergov harakatlari olib borilmoqda.
Sedov — Pekin-2008 olimpiadasi ishtirokchisi, 4 karra Qozog‘iston, 2 bor Osiyo, 1 marotaba jahon chempionligini qo‘lga kiritgan, «Hurmet" ordeni bilan taqdirlangan. Ammo 2019 yili IWF tomonidan doping tufayli uning 2008-2016 yillardagi barcha erishgan yutuqlari bekor qilingandi.
