Оғир атлетика бўйича 35 ёшли атлет Владимир Седов вафот этди. Қариндошларига кўра, у ўз жонига қасд қилган бўлиши мумкин. Спортчининг ўлими юзасидан Қозоғистон республикаси жиноят кодекининг 105-моддасига биноан тергов ҳаракатлари олиб борилмоқда.
Седов — Пекин-2008 олимпиадаси иштирокчиси, 4 карра Қозоғистон, 2 бор Осиё, 1 маротаба жаҳон чемпионлигини қўлга киритган, «Ҳурмет" ордени билан тақдирланган. Аммо 2019 йили IWF томонидан допинг туфайли унинг 2008-2016 йиллардаги барча эришган ютуқлари бекор қилинганди.