"Vest Xem" hujumchisi Janluka Skamakka "Roma"ga o‘tmoqchi, deya xabar beradi insayder Janluka Di Marsio.
Unga ko‘ra, 24 yoshli italiyalik "Roma" direktori Tiagu Pintu bilan suhbatdan keyin shunday qarorga kelgan. Shu bilan birga, hujumchi "Milan"ga o‘tishga qarshi emas, bu klub ham unga qiziqish bildirmoqda.
"Vest Xem" Skamakkani qo‘yib yuborishga tayyor, lekin faqat to‘liq transfer sifatida - ijarasiz.
2022/23 yilgi mavsumda u "Vest Xem" safida 27 o‘yinda 8 ta gol urdi, Transfermarkt.com hujumchining narxini 22 million yevroga baholagan.