"Вест Хэм" ҳужумчиси Жанлука Скамакка "Рома"га ўтмоқчи, дея хабар беради инсайдер Жанлука Ди Марцио.
Унга кўра, 24 ёшли италиялик "Рома" директори Тиагу Пинту билан суҳбатдан кейин шундай қарорга келган. Шу билан бирга, ҳужумчи "Милан"га ўтишга қарши эмас, бу клуб ҳам унга қизиқиш билдирмоқда.
"Вест Хэм" Скамаккани қўйиб юборишга тайёр, лекин фақат тўлиқ трансфер сифатида - ижарасиз.
2022/23 йилги мавсумда у "Вест Хэм" сафида 27 ўйинда 8 та гол урди, Transfermarkt.com ҳужумчининг нархини 22 миллион еврога баҳолаган.