"Bavariya" "Tottenxem"ni o‘zining eng yaxshi to‘purari Xarri Keynni qo‘yib yuborishga ko‘ndira olishiga ishonmoqda. BBC xabariga ko‘ra, "qizil mashina" angliyalikni transfer qilish uchun barcha imkoniyatlarni ishga soladi.
70 million yevrolik birinchi taklifni "Tottenxem" rad etdi, ammo Myunxen jamoasi tez orada yangi shartnoma tuzilmasi bilan qaytib keladi. Oldinroq “shporlar” Keynni 100 million yevro evaziga xorij klubiga qo‘yib yuborishga tayyor ekani haqida xabarlar tarqalgan edi.
Keynning "Tottenxem" bilan shartnomasi tugashiga bir yil qoldi. Manbaning xabariga ko‘ra, hujumchi "Bavariya"ga o‘tishga oldindan rozilik bergan.
