"Бавария" "Тоттенхэм"ни ўзининг энг яхши тўпурари Харри Кейнни қўйиб юборишга кўндира олишига ишонмоқда. BBC хабарига кўра, "қизил машина" англияликни трансфер қилиш учун барча имкониятларни ишга солади.
70 миллион евролик биринчи таклифни "Тоттенхэм" рад этди, аммо Мюнхен жамоаси тез орада янги шартнома тузилмаси билан қайтиб келади. Олдинроқ “шпорлар” Кейнни 100 миллион евро эвазига хориж клубига қўйиб юборишга тайёр экани ҳақида хабарлар тарқалган эди.
Кейннинг "Тоттенхэм" билан шартномаси тугашига бир йил қолди. Манбанинг хабарига кўра, ҳужумчи "Бавария"га ўтишга олдиндан розилик берган.
