"Arsenal" PSV yarim himoyachisi Xavi Simonsni qo‘lga kiritish uchun kurashda peshqadamlik qilmoqda.
"Kanonirlar" 20 yoshli niderlandiyalik uchun taxminan 30 million funt to‘lashlari mumkin. Simonsga "Manchester Yunayted", "Brayton", "Borussiya Dortmund" va "Leypsig" ham qiziqish bildirmoqda.
Futbolchining shartnomasi 2027 yilning yoziga qadar mo‘ljallangan. 2022/23 yilgi mavsumda Simons jamoa safida 48 ta o‘yinda maydonga tushib, 22 ta gol urdi va 12 ta golli uzatmani amalga oshirdi.